Днесь з початком о 9.00 годині ся зачне транспорт надрозмірного накладу, демолачного строя, котрый помагав демоловати пошкодженый панелак в Пряшові. Шоферы прото мусять рахувати з транспортныма обмеджінями. Конвой ся складать зо штирьох авт, причім найдовше мать довжку аж 30,28 метрів, шырьку 4,5 метрів і вагу  аж 120 тон. Авта зачнуть свою путь з Пряшова о 9.00 годині  і границі бы мали перейти коло 15.00 годины. Одвоз і уложіня сутін на складкі было покы вырахуване на скоро 1,1 міліонів евр. До середы, то значіть 8-го януара было перевезено скоро 7000 тон сутін. Про ліпшу представу іде о вецей як 290 повні наложеных автовых суправ. Вывоз сутін забезпечує пріорітні єдна компанія. (TASR, Pkf)