Австрійскый презідент Алехандер фан дер Беллен вчера у віденьскім Гофбурґу призначив нову коалічну владу Австрії, котры вытваряють конзерватівна Ракуска людова партія старонового канцелара Себастіяна Курца і партія Зеленых під веджіньом Вернера Коґлера. Інформувала о тім аґентура APA. Іде о першу сполочну владу людовців і зеленых в історії Австрії. Ракуска людова партія в ній буде мати окрім іншого десять міністрів і єдного штатного секретаря. Зелены будуть мати знова штирьох міністрів, вєдно віцеканцелара Коґлера, і єдну штатну секретарьку. Перше засіданя рады міністрів ся одбуде днесь і четверь  або в пярницю ся в Народній раді очікує выголошіня влады канцелара Курца.  (TASR, Pkf)