Місто Пряшів в 2019-ім року зреалізувало многы інвестичны акції. Меджі єдну з успішных пріматорка Пряшова Андрея Турчанова спомянула выбудованя югозападного обключіня міста D1, як і зачаток реалізації северного обключіня R4. За вызнамну інвестицію поважує і ціклістичне перепоїня міста Пряшів з недалеков реакреачнов областьов Сіґорд за вецей як 1,7 міліонів евр. Реконштрукція предстанічной площадкы, котру ся  радниці подарило зреалізувати, представує за словами пріматоркы міста інвестицію в сумі вецей як 2,4 міліонів евр. В області транспорту была за єй словами вызначнов інвестиційов і реконштрукція і розшыріня крижоваткы Арм. ґен. Л. Свободу – Под Табором – Юрковічова в сумі вецей як 1,3 міліонів евр. Реконштрукція матерьской школы на Важецкій, Чапаєвовій, Сладковічовій улиці і тыж фіскултурна сала в основных школах Шмералова і Матіці Словенской вєдно з новым мултіфункчным гріском при Основній школі на Важецкій улиці представували інвестиції за вецей як 3,1 міліонів евр. (TASR, Pkf)