Справа і утримованя драг Пряшівского самосправного краю зреконштруує вісем кілометрів драгы меджі селами Стащін і Уліч. На модернізацію схоснують ся еврофонды за майже два міліоны евр. На словацькім боці зреконштруує ся драга з довжков майже 8,4 км, котра веде ку гранічному переходу Убля – Малый Березный, оправа обсягує і два мосты. На україньскім боці ся зреконштруує драга од граніці в части Малый Березный – Дубриніч. Іде о драгу в довжці 11,5 км і єден міст. Розрахунок схваленого проєкту є 4,38 міліона евр, з того дотація в рамках черезгранічной співпраці є в сумі 3,7 міліона, інформовав Пряшівскый самосправный край.

(Медвідь, TASR)