Дротарьство і ёго традіція ся достало на репрезентатівный Список негмотной културной дїдовизны людства UNESCO. Вырїшыли о тім у четверь членове Меджівладного выбору на охрану негмотной културной дїдовизны UNESCO бігом свого 14. засіданя в містї Боґота, в метрополї Колумбії. Дротярьство ся так стало семым первком, котрый мать Словеньска република записаный на списку UNESCO. TASR о тім інформовала ПР манажерка СNAК-у (SĽUK-u) Нора Чехманкова. Дротарьство ся припоює ку шестём словацькым первком, котры были до світовго списку записаны в передходячіх роках: фуяра- музичный настрой і ёго музика (2005), терхівска музика (2013), ґайдошська култура (2015), довєдна із Чехіёв бабкарьство на Словеньску і в Чехах (2016), горігроньскый вецеголосный спів (2017) a довєдна із Австріёв, Мадярьском, Чехіёв і Нїмецьком ай модротлач (2018).

(TASR, Шутіова)