Інформачный сервер Politico дав у понедільок презідентку Словацькой републікы Зузану Чапутову на список меджі 28 найвпливнішых людей в Европі. Список веде французькый презідент Еммануел Макрон, суть в нім німецька канцеларька Анґела Меркелова, російскый презідент Владимір Путін ці брітаньскый премєр Борис Джонсон. Подля серверу Чапутова давать проґресівцям в середній і выходній Европі надію, же можлива є і інша будучность. Означіли єй за еврофілку і лібералку в реґіоні, котрый терпить приходячім авторістарьством і за протикорупчну бойовничку в країні отровленій інформаціями о тых справах.

(Медвідь, TASR)