Членьскы штаты Орґанізації про заказ хемічных збраней ся в середу договoрили  на розшыріню єй списку заказаных хемікалій о нервовопаралітічну латку новічок, котра была влони поужыта в Брітанії коло пробы о атентат на бывшого руського двоякого аґента. Рїшїня записати новічок до меджінародного Договору о хемічных збранях прияли консензом на вырочнім засїданю 193 сіґнаторів в голандьскім Гааґу, де мать Орґанізація про заказ хемічных збраней свою резіденцію, інформовала о тім тлачова аґентура АP. Пропозіцію на розшыріня списку передложыли Споєны штаты, Канада і Голандія. Новічок так быв зарадженый меджі заказаны їды, як суть сарін, ріцін чі тзв. горчіцовый плін (іперіт).

(Шутіова, TASR)