Судна рада знова раз в понедільок не зволила председу Найвысшого суду Словацькой републікы. Ани єден з кандідатів не здобыв достаточну кількость голосів. Вольба ся буде повторяти 27-го януара 2020-го року, кандідатів будуть односны субєкты номіновати до 8-го януара. О резултатах інформовала предсидателька волебной комісії Судной рады Марцела Косова. „Волебна комісія конштатує, же ани єден з кандідатів не здобыв надполовичну векшыну голосів вшыткых членів Судной рады Словацькой републікы,“ інформовала Косова. V далшій вольбі знова можуть брати участь неуспішны кандідаты з першого кола, включно Яны Баянковой, Яны Месіаркіновой і Штефана Гарабіна. В Судній раді діскутують о тім, ці не є чась змінити тайну вольбу на публічну.

(Медвідь, TASR)