Тридцята річніця револуції была темов понедільковой стрічі председів парламентів V4 в Празі. Словакію на стрічі під покровительством чеськой презідії в ґрупі заступав председа Народной рады Словацькой републікы Андрей Данко. Председове парламентів ся згодли на тім, же країны той ґрупы і наперек взаємній ізолації боротьбу за свободу у 1989-ім році досягли вєдно. І днесь є подля них вышеґрадьскый реґіон одсудженый войовати з подобныма вызвами – і то войовати за рівноправность в рамках Европской унії. По закічніню стрічі в Празі при нагоді 30-ой річніці револуції то повів председа словацького парламенту.

(Медвідь, TASR)