В місті Пряшів уж помалы кінчать з приправами тогорічных різдвяных торгів. Подія з новым концептом і новым назвов „Пряшівске погодове Різдво“ святково одкрыють 25-го новембра, причім будуть тырвати до 23-го децембра і його частьов будуть многы новинкы. Про навщевників буде в центрі міста приправеных 80 станків,  з того чісла різдвяны шпеціаліты і напиткы буде понукати 29 з них. Хыбати небуде ани пріматорскый пунч з харітатівнов думков. З торгів цалков змізнуть пластовы ряды, чім ся підчеркне їх тогорічный еколоґічный характер. (TASR, Pkf)