Днесь на вынятковім засіданю влада СР выголосила на завтрашній день (15. 11.) штатный смуток. Тот крок є повязаный із гаварійов автобусу з накладным автом при Нітрі, при котрій прийшло о жывот 12 осіб. Премєр Петро Пелеґріні, котрый вчера вечур навщівив місце гаварії і про споминану траґедію скорше закінчів свою навщіву Ціпру к выголошіню штатного смутку окрім іншого  повів, же „тота транспортна гаварія  патрить к найгоршым в нашій сучасній історії, і прото собі думам, же выголосіня штатного смутку на пятницю, абы сьме і такым способом дали честь жертвам танспортной гаварії, є на місці. Вірю, же тот вердікт небуде выкликувати ниякы діскусії.“ Дванадцять жертв, з того чісла четверо неповнолітніх дітей, собі выжадала транспортна гаварія, котра ся стала в середу на златоморавскій дорогі I/65 недалеко Маланті при Нітрі. Дальшых 15 людей было пораненых.  (TASR, Pkf)