Серіов акцій собі 30-те выроча ніжной револуції припомяне Пряшівска універзіта в Пряшові. Тота собі про своїх штудентів приправила бісіды, выставы, різны змаганя, оцініня высокошколаків ректором ці сімболічну стрічу штудентів при запаліню свічкы. Пресову аґентуру TASR о тім інформувала говоркыня універзіты Анна Полачкова. Так наприклад до 17-го новембра одбывать ся ехпозиція присвячена 30-му вырочу паду комуністичного режиму в Поландії з назвом Солідарні к слободі. В неділю 17-го новемдбра одбуде ся стріча штудентів з назвом Liberté? – Egalité? – Fraternité?, котра ся одбуде  з початком о 20.00 год. при статуї ангела в екстерьєрі будинку высокошколского ареалу на улиці 17-го новембра. Штуденты там запалять свічкы з нагоды Меджінародного дня штудентів. Єдночасно 18-го новембра передасть ректор Пряшівской універзіты Peter Kónya оцініня высокошколскым штудентам PU. (TASR, Pkf)