Обвиненый з бивства новинаря Яна Куцяка  Золтан А. выповідав о так повіданій карній актівісти міністрів. Твердить, же гроші мали брати за промптне і безпроблемове выбавлёваня поволінь про чужинців. Інформувала о тім  TV Markíza, котра здобыла детайлы выповіді Золтана А. Выбавлюваня працовных поволінь і поволіня на перебываня чужинців ся мав дотуляти персоналной аґентуры з Коларова, котрой шефом є подникатель Боріс Ґатіал. Золтан А. за інформаціями Markízy твердить, же за безпроблемове і промптне выбавліня поволіня так повідано платив Ґатіал „вшімне в десятках евр на особу“ будь тодійшньому штатному секретарьові Міністерства транспорту і выставбы Вікторові Стромчекові або міністрові праці Янові Ріхтерові. Золтан А. вказав і на так повідаючі добры односины меджі міністерков внутра Денісов Саковов і Ґатіалом. Досліджуючій Народной кріміналной аґентуры мать теперь перевірити слова Золтана А. Сакова, Ріхтер, Стромчек і Ґатіал тоты обвініня одмітають і поважують їх за фабулацію. (TASR, Pkf)