Меджінародны сондажны асоціації публіковали сполочне выголошіня ку пропозіції на продовжіня мораторія на передволебны сондажи на Словакії з актуалных 14 на 50 днів перед вольбами. Наряджіня прияте словацькым парламентом бы веце як трираз звекшыло довжку сучасного обмеджіня на публікованя бадань общого мніня, причім і тото сучасне є вже єдным із найдовшых мораторій в цілій Европі. Меджінародны сондажны асоціації в повязаню з тым рекомендують зрушыти ембарґо на публікованя бадань общого мніня зробленых тыждень перед вольбами так, жебы мали голосуючі приступ ку штонайточнішым інформаціям. Або, кедь нич інше, холем не продовжовати уж сучасны платны обмеджіня. Припоминаме, же леґіслатіву схвалену парламентом ветовала презідентка Зузана Чапутова і вертать ся до парламетну.

(Медвідь, TASR)