Презідентка СР Зузана Чапутова уважать рішіня Мартіна Ґлвача (Smer- SD) скінчіти на позіції підпредседу Народной рады СР і поважує го за правильне. Точку зрїня головы штату тлумочів про ТАСР єй говорця Мартін Стріжінец. Ґлвач у четверь ознамив, же ся вздав функції підпредседу Народной рады СР. У выголошіню про медії то арґументовав тым, же му залежыть на тім, жебы страна Smer-SD будучій рік у парламентных вольбах выграла. Ґлвач мав в парламенті кінцём октобра челити одволаваню про ёго удайну комунікацію з Марiяном К., котрый є обжалованый з обєднавкы убивства новинаря Яна Куцяка.

(Шутіова, TASR)