Утїковый тунел під Берліньскы муром сприступнили про публіку по першый раз у четверь уряды в нїмецкім головнім містї. Сприступнїня той шпеціфічной памяткы є сучастёв проходячіх ослав 30. выроча отворіня граніць выходнёго Нїмецька, інформує пресова аґентура АП. Тунел, котрый ся находить на улицї Бернауер Штрасе, недалеко головного памятника Берліньского муру, славностно отворив староста Берліна Міхаел Муллер. У своїм приговорі ся подяковав тым, котры кінцём року 1970 зачали тоту 100 метрів довго уникову путь глубити. Самотный тунел приступный не є, навщівницї до нёго можуть попозерати через два облакы в просвітній підземній галї.

(Шутіова, TASR)