Свідницькы містьскы посланці будуть по новім в часі їднаня хоснувати електронічне заряджіня на голосуваня. В будучім року бы мали засідати в новых просторах, котры радниця готує. Як про пресову аґентуру TASR повіла пріматорка міста Свидник Марцела Інванчова, „заряджіня на голосуваня сьме вырішыли купити прото, абы сьме з ефектівнили, і так містьске засіданя абы ся стало оператівніше. Заряджіня уж є наіншталоване. В найближшім часі зреалізуєме пробну стрічу з посланцями, абы сьме заряджіня спробували, абы сьме неішли наостро прямо на їднаня містьского засіданя.“ Як далі повіла пріматорка Свидника, дане заряджіня місто купило з властных джерел за вецей  як 11.000 евр. Окрім того радниця ся приправує і на реконштрукцію засідачой салы цільом котрой буде звекшыти штандартны просторы.  Предпокладають, же цалковы кошты на реконштрукцію бы мали быти у вышкі коло 40.000 евр.  (TASR, Pkf)