На выбудованя і реконштрукцію общіх водоводів і каналізації бы мало за Міністерством жывотного оточіня СР іти річно 50 міліонів евр з бутжету Енвіроменталного фонду в періоді років 2020 аж 2030. Выходить то з матеріалів Міністерства жывотного оточіня, котры влада зобрала до відома в часі свого выяздового засіданя в Кежмарку. В матерялі ся окрім іншого пише, же на Словакії є 474 сел, котры немають общій водовод. Є то 16 процентів з цалкового чісла сел. Обывателі в них суть покы забезпечованы питнов водов з індівідуалных студні. Выбудовану общу каналізацію мать лем 1128 сел, што є 39 процентів зо вшыткых словацькых сел. (TASR, Pkf)