По планованім вбивстві колышнього першого заступцю ґенералного прокуратора Петра Шуфлярьского ся мав його наступником у функції стати  колышній заступця ґенералного прокуратора про некарну область Рене Ванек. Пресовій аґентурі TASR тоты інформації потвердив прокуратор Ґенералной  прокуратуры СР Петер Шуфлярьскый.  Ку такому заключіню доспів по выголошеню обвиніня против штирьом особам, котры окрім його вбивства плановали і вбивство прокуратора Уряду шпеціалной прокуратуры Мароша Жілінку і адвоката Данєла Ліпшіца, як і познакомліня ся із судным списом. Як повів Шуфлярьскый про TASR, „прийшов єм нато, же колышній прокуратор JUDr. R.V. мав быти кандідатом на функцію першого заступцю ґенералного прокуратора СР потім, як єм мав быти в 2018-ім року фізичні зліквідованый.“ (TASR, Pkf)