Европскый орґан праці (ELA) не є даремнов аґентуров Европской унії. Словацькый премєр Петер Пеллеґріні на то попередив в дебаті про пресову аґентуру TASR, коротко по святочній інавґурації новой европской аґентуры на території Европской комісії. Як далей повів, „Якраз тото велике чісло пригод указує, же тота аґентура неє лем даякый вымысел, але аґентура, котра мать реалны задачі, котры треба рішыти. Єм пересвідченый о тім, же аґентура буде од першого дня барз жывотоспособна і буде рішыти проблемы, котры будуть поступово приходити на єй стіл,“ сконштатував Пеллеґріні.  Премєр брав участь на святочнім отворіню Европского орґану праці вєдно з председом ехекутівы ЕУ Жаном-Клодом Юнкером, котрый в септембрі 2017-го року прийшов з пропозиціёв на вытворіня цілоевропского орґану, котрый бы мав рішыти черезгранічны порушованя предписів ЕУ в області заместнаности і мобіліты роботы. Аґентура, котра буде мати свою резіденцію в Братіславі, бы мала зачати наповно фунґовати од децембра того року. (TASR, Pkf)