Поліція затримала минулый тыждень в селі Убля в окресі Снина лікаря, котрого выслухуючій обвинив зо злочіну приїманя уплатку. Обвиніня з подплачуваня вєдно в данім припаді противостоїть сім осіб, котры мали уплачати за выданя потведжіня о роботынеспособности. Пресову аґентуру  TASR о тім інформувала говоркыня Презідія Поліцайного корпусу Деніса Бардіёва. „Члены NAKA по довгочасовім оператівнім розробліню і досліджуваню зреалізували поліцайну акцію в Ублі і околиці (окрес Снина), котрого выслідком было затриманя лікаря. Выслухуючій мужа обвинив з приступку приїманя уплатку,“ увела Бардіёва. За інформаціями денника Korzár поліція одвела лікаря прямо з амбуланції. (TASR, Pkf)