Обывателі Франції ся вчера розлучіли з колышнім презідентом Жаком Шіраком, котрый умер у четверь у віку 86 років. Посліднє розлучіня ся одбыло в пополідні в парижській Інвалідовні. Інформувала о тім аґентура AP. На днешню офіціалну споминкову церемонію з презідентом прияло позваня коло 30 днешніх і колышніх глав штатів вєдно російского презідента Владіміра Путіна. Ехпрезідента потім поховають на приватнім обряді на цвинтарі Montparnasse на югу Парижа коло його дівкы, котра умерла в 2016-ім року. Шірак быв середньоправіцовым політиком, котрый быв презідентом в роках од 1995-го до 2007-го. Елізейскый палац ознамив, же днешній день буде у Французьку дньом штатного смутку. (TASR, Pkf)