Брітаньска опозічна Лейбрістічна партія в понедільок підтримала свого лідра Джеремі Корбіна в його невтралній позіції у вопросі брексіту. Інформовала о тім аґентура Associated Press. Членове партії на зъїзді в Брайтоні не схвалили пропозіцію, жебы лейбрісты твердо войовали за другый референдум о брексіті і підпорили в нім, жебы Великобрітанія зістала в Европскій унії. Корбін просаджує, жебы партія в тім вопросі зохабила собі одкрыты двері ку прихыльникам брексіту і його одпорцям. Очекує, же то поможе лейбрістам выграти парламентны вольбы, якы ся очекутють в слідуючіх місяцях.

(Медвідь, TASR)