Найліпшы поліцайты, котры роблять в Народній кріміналній аґентурі (NAKA), на своїх місцях оставають і будуть продовжувати у своїй роботі. Декларовав то поліцайный презідент Мілан Лучанскый в реакції на медіалізуваны інформації о кінці дакотрых поліцайтів. Реорґанізація NAKA мать быти довгочасовым процесом, котрый выходить з пунктуалных чісел, дебат і подрібных аналіз. „На основі того мусиме на жаль конштатувати, же найгірше з аналіз вышла якраз протидроґова часть, ехпозітура Братіслава,“ увела поліція на соціалній сіті. Члены братіславской протидроґовой ехпозітуры в 2018-ім року предложыли до карного конаня вісем припадів, при чіслі 15 осіб, што є в порівняню з дальшыма протидроґовыма ехпозітурами скоро о половину менше. (TASR, Pkf)