Европска комісія в понедільок выголосила, же є іщі все приступна діскусіям з Великобрітанійов о гляданю рішіня в сучасній патовій сітуації односно брексіту. Єдночасно апеловала на премєра Бориса Джонсона, жебы пришов з приятельныма пропозіціями на вырішіня сітуації, інформовали аґентуры Associated Press i AFP. Выконный орґан Унії інформовав, же почас понедількового обіду Джонсона і председы Европской комісії Жана-Клода Юнкера в Луксембурзі такы рішіня Лондон не передложыв. Лідры ся доїднали, же стрічі односно брексіту будуть теперь штодень. Джонсон уж веце раз повів, же Великобрітанія одыйде з Уніії в планованім терміні, значіть 31-го октобра, ці з договором, або без нього. Так само выголошує, же ся му подарить зробити договор, котрый уможнить рядженый брексіт.

(Медвідь, TASR)