Од 1-го юла 2020-го року уж будуть мати можность поіщенці пожадати давку в безробітности нелем в Соціалній поіщовні, але і на уряді праці, соціалных справ і родины. Небудуть так мусіти навщівити обидва уряды як дотеперь. Поданя жадости о давку так выбавлять собі на єднім місці. Выпливать то з новелы закона о соціалнім поіщіню, котру в юні одобрила Народна рада СР.  Обидві інштитуції – Соціална поіщовня і уряды праці, соціалных справ і родины – ся в сучасности приправують на запрацюваню даной „новинкы“ до прахі, в першім ряді в області  перепоїня своїх інформачных сістемів і выміны потрібных дані. (TASR, Pkf)