Покля бы впала влада, Чапутова бы роздумовала о урядницькім кабінеті
00
Покля бы на слідуючім міморяднім засіданю Народной рады Словацькой републікы впала влада, презідентка Зузана Чапутова бы роздумовала і о выменованю дочасного урядницького кабінету. Повіла то в понедільковій релації радія Expres Braňo Závodský Naživo. На міморяднім засіданю хоче опозіція высловити недовіру премєрови Петрови Пеллеґріні із партії Smer-SD за то, же не одкликав Моніку Янковску з посады державного секретаря Міністерства справедливости. Презідентка бісідовала і о медіалізованых інформаціях о можливій комунікації обвиненого Маріяна Кочнера з веце особами, меджі іншым і з Янковсков. Означіла то за великый проблем.
(Медвідь, TASR)
- Назад / Nazad Most-Híd хоче шпеціфіковати народностны школы
- Далше / Dalše Родиче уж од 1-го септембра того року немусять на уряды праці приносити папірьовы потверджіня о навщіві школы