Партія Most-Híd пропонує дефіновати термін народностна школа, шпеціфіковати бы ся мали заряджіня, котры до той катеґорії будуть належати. Рахує з тым новела закона о освіті, котру до парламенту передложыли депутаты коалічной партії. Подля передкладателів в школьскім законі дотеперь не звертала ся достаточна увага на конкретны, шпеціфічны потребы школ з навчалным языком народностных меншын. Вказують на то, же закон не обсягує комплексну управу условій выховы і навчаня членів народностых меншын. Новелов то хотять вырішыти. Цільом їх пропозіції має быти вытовріня комплексного рамку фунґованя народностного школства і встановліня шпеціфікацій, котрыма ся тоты інштітуції одрізняють од решты школ. Меджі основны цілі выховы і навчаня подля їх слов пропозіційов доповнюють ся прінціпы, котры рефлектують особенности выховы і освіты дітей і школярів з народностных школ.

(Медвідь, TASR)