Most-Híd не піде до слідуючіх парламентных волеб в коаліції з SMK. Інформовав о тім вчера председа Most-Híd Бела Буґар по закінчіню Републіковой рады партії. „Републікова рада тайным голосованьом вырішыла з резултатом 37 проти вытворіня коаліції, 5 за і два листкы на голосованя были неплатны. Не знали ся доїднати дві партії, котры даякым способом і різныма методами мають намагу забезпечіти інтересы мадярьской меншыны. В нашім припаді і мадярьской меншыны,“ повів Буґар. Републікова рада вырішыла на основі резултатів їднаня презідії SMK. Буґар вказав на то, же SMK не одступила од своїх пожадавок, меджі котрыма было наприклад діліня кандідаткы 50 на 50. Так само тырвала на тім, же ани єден з лідрів партій не буде вести сполочный кандідачный список. Підпредседа партії Абел Равас припомянув, же владна партія вже договорила ся на співпраці з Мадярьсков хрістіаньскодемократічнов аліанційов і планують їднати з далшыма партіями.

(Медвідь, TASR)