Землегосподарї  на конець 33-го тыждня скінчили жниву у векшыні реґіонів Словеньска. На полях нынї зберають решту по жатві і приправують землю про дальшы културы. Увела то про  TASR Яна Голеціова, говоркыня Словеньской землегосподарьской і потравинарьской коморы. „Ку кінцю 33-го тыждня жатва продовжувала іщі в реґіонах Жіліна, Орава, Ліптова, долного і верьхного Спіша, підтатранского реґіону і верьхного Спіша,“ конкретизувала Голеціова. (TASR, Pkf)