До кінця рока 2021 бы мали мати вшыткы дїти до 15 років обчаньску леґітімацію без фотоґрафії. Влада схвалила пропозіцію міністеркы внутрішнїх дїл Денісы Саковой (Smer-SD).. Доводом є електронізація здравотницьтва. Автентіфікація чіпом буде од року 2022 єдиным способом, як ся до електричной здравотной документації достати. Поліція буде дїтём молодшым як 15 років автоматічно посылати леґітімації без підпису і фоткы. Тоту достануть таксамо люде, котры мають леґітімацію без чіпу з необмедженов платностёв, котра ся выдавала до 30.юна 2012, обчаном старшым як 60 років. Пропозіція закона приносить і можливость пожадати о леґітімацію з фотков про дїти молодшы як 15 років. Тота бы служыла як путёвый доклад. Така леґітімація буде подля міністеркы стояти 4,5 евра. ,,Тым можуть обчане ушпорити, затоже зготовлїня пасу є омного дорогше, як зготовлїня леґітімації про дїти до 15 років.” увела Сакова.

(Шутіова, TASR)