Представителі Европской унії о тім, же британьскый парламент може іщі звернути брехіт, комплікує взаємны їднаня меджі Лондином і Бруселом о подобі Британії з EÚ. Выголосив то британьскый премєрь Боріс Джонсон, інформувала о тім телевізія Sky news. “Натеперь є правдов то, же нашы приятелі і партнеры суть кус неґатівны, але думам собі, же догоду досягнеме,“ выголосив Джонсон, причім додав, же зачінать быти очівідна потреба „зробити дашто з ірьсков поістков, протоже в існуючій формі“ ю британьска влада „неможе достати через парламент“. Сітуаціа але за Джонсоновыма словами комплікує факт, же представителі EÚ “собі фурт думають, же парламент може заблоковати брехіт“. (TASR, Pkf)