Вецей як 100 посланців Долной снімовні британьского парламенту з різных політичных партій пожадали в письмі премєра Боріса Джонсона, абы в у звязку з брехітом такой скликав парламент. Країна за словами посланців противостоїть ставу нудзі і парламент мусить быти „скликаный теперь в авґусті і засідати реґулярно до 31-го авґуста“. В британьскім парламенті суть до 20-го юла літні вакації і посланці мають до парт знова засісти 3-го септембра, припоминать аґентура AFP. Британія  мать Европску унію зохабити 31-го октобра. „Наша країна є на окраї господарьской кризы, покы што ся женеме к брехіту без договору,“ написали посланці в письмі і додали, же одход з Британії без догоды буде мати наслідкы на засобы потравин і медикаментів, господарьство країны, робочі місця, общі фінанції і універзіты. (TASR, Пкф)