Сістема мінімалного доходку ся мать по новім наставити так, жебы была навязана на вышку прємерного заробку в народнім господарьстві становеным перцентом. Кедь росне прємерна плаца, автоматічно мусять рости і доходкы. Пропонує то коалічна Slovenská národná strana (SNS). Доходцёве, котры одробили 30 років, собі подля народнярів заслужать достойный жывот і не можуть доставати доходок у вышцї 278,90 евра, што є в сучасности платне мінімум. ,,SNS на коалічній радї передложыть коалічным партнерам нову пропозіцію наставіня мінімалного доходку при одробеных 30 роках так, жебы ёго мінімална вышка была в розпятю 30-35% прємерной плацы,” конштатує страна в пресовій справі. Сучасно бы ся подля них заховало насобіня коефіціентом жывотнёго мініма. ,,Самособов сьме отворены діскузіі, як цілу доходкову сістему наставити наново ку 1.януарю 2021. Віриме, же пропозіція страны SNS буде підпорена, а то не лем коалічныма партнерами,” додали народняри.

(Шутіова, TASR)