Ход на словацько-україньскім гранічнім переході Вышнє Німецьке – Ужгород буде в середу 31-го юла обмедженый. Причінов є выміна ваг на україньскім боці. Інформовала о тім говоркыня Цолного уряду Михалівці Клара Балоґова. Обмеджіня будуть дотуляти ся транспорту в напрямі на Україну. Подля інформацій з україньского боку ся роботы на выміні і калібрації ваг будуть реалізовати в часі од 8.00 год. до 14.00 год. містного часу.

(Медвідь, TASR)