На турістичный поход к дзвоніці над селом Гостовіці в Сниньскім окресі прийшло в суботу коло 60 туристів зо Словакії, Поландії, Мадярьска і Чехії. Перед навщівов боїска першой світовой войны на горі Скорі ся одбыв і пєтный акт на містьнім войновім цвинтарї. Про пресову аґентуру  TASR то повів Мартін Дробняк з Клубу воєньской історії Бескиды. Турістичны походы суть повязаны з подіями з першой світовой войны, котрых зачаток є датуваный на 28-го юла 1914-го року. В селі Гостовіце ся реалізують од 2015-го року. „В часі першого річника взникла думка выбудовати прямо на боїску даяке памятне місце, котре бы припоминало памятку жертвам першой світовой войны. Уж в 2016-ім року ся подарило прямо на горі Скорі выбудовати дзвоніцю, котра припоминать події першой світовой войны і смутный осуд великого чісла вояків, котры были вбиты в данім конфлікті,“ пояснює Дробняк. В наслідуючіх роках ся к дзвоніці подарило выбудовати і дідактічный турістичных пішник. (TASR, Пкф)