Сенат Парламенту Чеськой републикы одобрив вчера уставну жалобу на презідента Мілоша Земана про грубе порушованя уставы. Перед тым, як ся жалобов може зачати занимати Уставный суд, мусить ю іщі одобрити і Посланецька снімовня. Інформував о тім справодайскый портал Novinky.cz. Уставна жалоба на презідента штату абы была одобрена бы мусіло пропозицію одобрити мінімалні 120 посланців, што за інформаціями порталу Novinky.cz неє при днешнім зложіню сил барз можне. Сенаторы Земанові посередницьтвом жалобы вычітають тзв. вісем провин. Найактуалнішов з них є довгочасова неохота презідента одкликати з місця міністра културы Антоніна Станька з ČSSD наперек тому, же премєрь Андрей Бабіш його одкликаня запропонував іщі кінцьом мая. Презідент наконець недавно інформував, же Станька одкличе до 31. юла. (TASR, Пкф)