Догода Проґресівного Словеньска (PS)  і Spolu з KDH неє о вытворіню коаліції. Мать быти сіґналом, же вєдно докажуть комунікувати слушні. В дебаті про пресову аґентуру TASR то повів  лідер коаліції Міхал Трубан. В многых вопросах видить можности на сполупрацу,  але вымагать собі то за його словами вельо сполочных стріч і довгы дебаты. „Хотіли сьме указати, же наперек тому, же сьме розділны партії, докажеме вєдно случні комуніковати. То была єдна з річі, про котры сьме до політикы ішли, абы ся політика зліпшыла, “зослушніла“, абы люде дебатували о рішінях і снажыли ся вєдно к собі приближувати а не оддалювати,“ увів Трубан.

Догода  о передвольбовій сполупраці меджі PS/Spolu і KDH мать два конкретны обовязкы. Партії ся договорили на взайомнім неатакуваню ся в передвольбовій кампанії. Хочуть тыж глядати середину в проґрамоых пріорітах будучой влады. (TASR, Пкф)