Зволіня Урсулы фон дер Леєновой за председничку Европской комісії (EK) выкликало одозвы у вшыткых европскых політичных родинах, котры мають заступліня в Европскім парламенті (EP). Председа Европской людовой партії (EPP) Джосеп Довл признав, же є пышный нелем на першу шефку Европской комісії, але і на єй ясну і одважну візію будучности Европы. Шеф ґрупы людовців в EP Манфред Вебер высловив свою цілкову підпору фон дер Леєновій іщі перед голосуваням о довірї. Шефка політічной ґрупы соціалістів і демократів в EP Іратхе Ґарціова на Твітері підчеркнула, же  якраз єй ґрупа была ключом к потведженю фон дер Леєновой на пропоновану функцію. Сполупредседове ґрупы Европскы конзервативци і реформісти (ECR) Рафаєло Фітто і Ріхард Леґутко признали, же многы посланці з даной ґрупы вон дер Леєновой з многых причін непідпорили. „Єй політичный проґрам, вецей і вецей централізації, буде нарушати способность членьскых штатів діяти незалежно,“ сконштатував Фітто. (TASR, Пкф)