SaS вызывать заставити інвестіції, котры суть в незгоді зо стратіфікаційов шпыталів
![](https://www.rusyn.fm/wp-content/uploads/2019/07/kalavska.jpg)
Опозічна SaS вызвала міністерку здравотницьтва Андреу Калавску, жебы заставила вшыткы інвестіції, котры суть в незгоді з їй реформов стратіфікації шпыталів. Хоць лібералы стратіфікацію підтримують, думають, же реалізацію бы мала сучасна влада зохабити на нову. В понедільок то на пресконференції повіли представителі партії Ріхард Сулік, Яна Циґанікова і Мартін Бартко. За словами депутаткы Яны Циґаніковой має Словакія по Німецьку найгустішу сіть шпыталів у Европскій унії, но на паціента даваме грошы під середнім чіслом і єднако низка є і ефектівіта хоснованя тых грошей. Звернула увагу і на бракуючій персонал ці техніку. „Smer нелемже не робить на благо людей, але проактівно робить на їх неблаго у незгоді зо стратіфікаційов. Вызывам пані міністерку Калавску, жебы перестала з інвестіціями, котры не суть в згоді з планами стратіфікації, кедьже влада, котра прийде по них, зробить, што треба,“ повіла депутатка. Пропонована міністерков реформа здравотницьтва бы мала шпыталі розділити до трьох катеґорій і встановити, якы тіпы здравотных выконів в них будуть робити ся. Пацієнт має все быти напряменый до такого шпыталю, де му забезпечать достаточну якость старостливости.
(Медвідь, TASR)
-
Назад / Nazad В року 2018 чісло сеніорів перевышыло чісло дітей
-
Далше / Dalše До далшой вольвы на Конштітучный суд ся нихто не приголосив