Нова ґреческа конзерватівна влада планує ускорити азіловый процес і зінтензівнити патрольованя морьской граніці з Турційов. Подля аґентуры DPA то оголосила в понедільок канцеларія нового премєра Кіріакоса Міцотакіса. Новы крокы мають зліпшыти сітуацію в біженецькых таборах і особы без права на азіл мають быти посыланы назад до Турції скоріше як дотеперь. За попередньой влады выбабліня азіловых жадостей тырвало в многых припадах і веце як два рокы, припомянула аґентура. Премєр в понедільок стрітив ся з комісарьом про міґрацію Дімітрісом Аврамопулосом, котрый потім у высыланю ґреческой телевізії повів, же Ґреція не є сама і Унія їй дасть поміч.

(Медвідь, TASR)