Словакія буде председати 74-му засіданю Реґіоналного выбору Світовой здравотницькой орґанізації про Европу в 2024-ім році. Буде то по першый раз, кедь буде Словакія председати Світовій здравотницькій орґанізації. Выходить то з документу Міністерства здравотницьтва СР в меджірезортнім припомінковім діяню. Вышка коштів ся покы одгадує на 1,3 міліонів евр. Засіданя приправує і приїмать резолуції і вердікты о стратеґічнім смерованю і цільох реґіоналной і ґлобалной здравотной політикы. Реґіоналный выбор Світовой здравотницькой орґанізації про Европу є реґулярным осіннім міністерскым фором. Занимать ся здоровям в області розвойовых цілів ООН Аґенды 2030. Беруть на нім участь міністры і лідры із 53-ох штатів на найвышшім політичнім рівні, як і заступцове меджівладных і мімовладных орґанізацій. (TASR, Пкф)