Воєньскый огляд з нагоды Дня незалежности Україны тот рік небуде, ознамив то вчера україньскый презідент Володимир Зеленскый. „Звычайні 24-го авґуста на День незалежности маме воєньскый огляд. Є то помпезне і главні не туне. Думам собі, же тот рік намісто того, абы сьме мали огляд, є ліпше дати тоты гроші нашым геройом…І вырішыли сьме выділити выше 10 міліонів евр на приплаткы вшыткым воякам,“ повів Зеленскый. Додав, же „тогорічны ославы Дня незалежности одбудуть ся в новім форматі,“ цітовала Зеленского аґентура  UNIAN. День незалежности Україны є повязаный з 24-ым авґустом 1991, кедь посланці Найвышшой рады Україньской совїтьской соціалістичной републикы выголосили Україну за незалежну і демократічный штат. (TASR, Пкф)