5-го юла, на День святых славяньскых апостолів Кіріла і Мефодія, буде в селі Камюнка проходити Цілонародне свято Русинів Словакії. Тото зачне 16-ій годині перед храмом святых апостолів Петра і Павла в Камюнці, а потім буде продовжовати богатым проґрамом на камюньскім амфітеатрі Дубне, де выступлять колектівы Рутенія з Братіславы, Черговчан з Бардейова, Maковічка зо Свідника, Замішковці з Колачкова, Поляна з Орябины, Барвінок з Камюнкы, Maріанна Железна з Хмельовой і Mихал Ільканін зо Свідника. Вступ на цілый проґрам є вольный. (А. Кузмякова)