День выголошіня незалежности собі припоминають Сполучены штаты якраз днесь. К выголошіню незалежности прийшло 4. юла 1776 на засіданю другого контіненталного конґресу 12-ох британьскых колоній у Філаделфії, репрезентанты котрых прияли декларацію за їх незалежність од Великой Британії. Америцькы міліції ся втогды перетворили на Контіненталну армаду. За його главного началника призначіли Джорджа Вашінґтона. Тринаста колонія Ню Йорк одобрила выголошіня незалежности 19. юла 1776-ім року. Уставодарный конвент потім в 1787-ім року прияв Уставу Сполученых Штатів Америцькых, чім ся союз штатів змінив на федерацію. Основный закон країны став діяти в 1788-ім року по ратіфікації вшыткыма штатами федерації. До функції першого презідента США в 1789-ім року зволили Джорджа Вашінґтона. (TASR, Пкф)