Предсидательство Словацькой републікы в рамках V4 принесло почас попереднього рока в области безпечности і обороны веце успіхів, і то нелем в рамках реґіоналной, але і ґлобалной співпраці. В Пєштянах ся на тім згодли в понедільок міністры обороны держав V4 на завершалнім засіданю того формату. До їднань залучіли ся і партнеры зо Середньоевропской оборонной співпраці. „Цільом СР як передсидательской державы V4 было нелем продовжовати в започатых ініціатівах і проєктах, але так само схосновати потенціал того партнерства і над рамкы існуючой співпраці. Нашым моттом быв Дінамічный Вышеґрад про Европу і дозволю собі твердити, же тот ціль подарило ся наповнити,“ повів міністер обороны Словацькой републікы Петер Ґайдош. Вышеґрад почас словацькой презідії досягнув наприклад высоку уровень приготовлености проєкту Бойовой ґрупы Европской унії держав V4, котра буде в поготовости уж в юлі того року, зробили ся і вызначны їднаня з далшыма стратеґічныма партнерами як Франція і Німецько.

(Медвідь, TASR)