Благословіньом  мінеральных джерел за участі заступників рімскокатолицькой, ґрекокатолицькой, православной і еванґелской церькви  славності одкрыють в пятницю в Бардійовскых купелях 22-гу купельну сезону. О 17-ій годині ся на літнім купаліску одбуде  културный проґрам, котрый буде з причины ограніченой капаціты лем про позваных гості. В проґрамі выступлять Гелена Вондрачкова, Балажовці, танечна формація AFCommunity. Небуде хыбувати ани огньострой, ці танечна забава. К найатрактівнішым акціям тогорічной купельной сезоны будуть за словами  Тамары Шафранковой обходно-економічной діректоркы Бардійовскых купелів, а.с.  Меджінародне музичне літо, Бардійовскы купельны дні, Алжбетиньскый день, Пивный фестівал і Горношаришскый вінный фестівал. (TASR, Пкф)