Словакія в наростаню цін потравин за минувшый рік обсадила друге місце в Европскій унії. Звекшованя цін не перестало ани в тім році, причім ціны не ішли долов ани наперек зрушіню одводу про обоходны рітейлы. Подля резорту земледільства найвекшов міров за то можуть обходници, повіла в понедільок міністерка Ґабріела Матечна. „На підниманю цін мають найвекшу заслугу обходници, котры знеужывають свою домінантну силу на корист спотребителів і додавателів. Притім звышованя цін не промітають до додавательскых цін. Кедь фармар не має односну ціну за свій продукт, не може інвестовати, не годен давати до технолоґій і самособов земледільці і потравинарі на Словакії ледво пережывають,“ повіла міністерка. Подля Матечной были обходници, опозіція і дакотры медії поїманы при маніпулації з общым мніньом, кедь давали наростаня цін за вину владі. Ціны потравин влони на Словакії в порівнаню зо середнім чіслом Унії росли двараз скоріше. Середнє наростаня цін в Унії было на 1,9 процентах, покля на Словакії то было 4,2 процента.

(Медвідь, TASR)