Сербскый презідент Александар Вучіч остерігав перед обновліньом конфліктів у Косові, покля чімскорше не дійде ку рішіню про тоту бывшу сербску провінцію. Інформовала о тім аґентура Associated Press. Вучіч то повів почас свого веце як двогодинового прояву в парламенті, в рамках котрого не спомянув много детайлів його їднань о планах про Косово. Подля презідента Сербы мусять вырішыти меджі „солодкыма лжами і гірьков правдов“, чім вказовав на то, же Сербія не принимать реаліту Косова. Вучіч твердить, же договор і компроміс не суть програ, а перемога. Сербскы націоналісты бісідують, же будьякый компроміс односно Косова, котре є бране за середньовіку колыску сербской державности і реліґії, є велезрадов.

(Медвідь, TASR)