В чеській метрополі Прагі ся одбыла вчера вечур четверта велика демонштрація за демісію міністеркы справодливості Марії Бенешовой. Інформувала о тім справодайска телевізія ČT24. Тісячі єй участници, котры ся вчера зыйшли на  Вацлавській площаткі, жадали окрім одходу Бенешовой і приятя такых опатрінь, абы была забезпечена незалежність юстиції. Чеськый премьєр Андрей Бабіш, як і Бенешова шак одмітають, же бы дошло к єй огрожіню. (ТАСР, Пкф)